Bhool jaain to aaj behtar hay
Silsilay qurb ke judai kay
Bujh chukeen khwahishon ki qindeelain
Lut chukay shehr aashnai kay

Raigaan saa'aton say kya lena
Zakh hoan, phool hoan, sitaray hoan
Mosamom ka hisaab kya rakhna
Jis nay jaisay bhi din guzaray hoan

Zindagi say shikayatain kaisi
Ab naheen hain agar gilay thay kabhi
Bhool jaain ke jo hooa so hooa
Bhool jaain ke hum milay thay kabhi

Aksar auqat chahnay per bhi
Faslon main kami naheen hoti
Baaz auqat janay walon ki
Wapsi say khushi naheen hoti

Tujhay Ishq Ho Khuda Karay
Tujhay Us Say Koi Juda Karay
Taire Hoont Hansna Bhool Jaain
Taire Aankh Pur-Num Raha Karay
To Us Ki Baatain Kya Karay
To Us Ki Baatain Suna Karay
Usay Daikh Kar To Ruk Jae
Wo Nazar Jhuka Kar Mila Karay
Tujhay Dosti Bhi Na Raas Aae
To Tanha Tanha Phira Karay
Tujhay Hijar Ki Wo Jhari Lagay
To Milan Ki Har Pal Dua Karay
Taire Khuwaab Bikhrain Toot Kar
To Kirchi Kirchi Chuna KarayTo Gali Gali Sada Karay
To Nagar Nagar Phira KarayTujhay Ishq Per Phir Yaqeen Ho
Usay Tasbiyoon Per Gina Karay
Phir Main Kahoon Ishq Dhoong Hai
To Nahi Nahi Kya Karay

Mohabbat rang badalti hay....!

Mohabbat rang badalti hay...Aur is ka koi bhi rang mustaqil...Pukhhta nahee'n hota...

Naveed-e-seher ki koi...Daleel-e-bay-karaa'n jaisay...Kisi mushhkil safar mai'n...

Qaafla ik bay-amaa'n jaisay...Kabhi hairaan say lehjay....Koi dil bad-gumaa'n jaisay...

Jhulasti dhoop may saaya...Shajar-e-meherbaa'n jaisay...

Kabhi na ruknay waala zindagi ka karwaa'n jaisay...

Koi rangeen si...Sangeen si...Ik daastaa'n jaisay...

Mohabbat ibteda may baal kholay muskuraati hay...

Kabhi nazm may..Her shai'r may...

Her ista'aaray may...Ghataao'n ki tarah ghir ghir k aati hay aur barasti hay...

Kabhi sehra ki maanind..Chand boondo'n ko tarasti hay...

Kabhi ik bulbulay ki tarah...Pal do pal ko ha'nsti hay...

Kabhi sadiyo'n talak...Dil ki nihaan khaano'n may basti hay...Kabhi khurd k andaishay....

Kabhi ik jaush-o-masti hay...Kabhi ha'ns ha'ns k roti hay...

Kabhi ro ro k ha'nsti hay....Mohabbat aadmi ki zindagi ka dhang badalti hay...

Mohabbat khud rang badalti hay...Mohabbat rang badalti hay...!!!

Mohabbat meherbaa'n ho gi...!

Mohabbat meherbaa'n ho gi...!
Mairay jaanay pay aey jaana'n...Paraishaa'n tum nahee'n hona...Kabhi chhup ker nahee'n rona...Judaaii zeher hoti hay...Mujhay ma'loom hay laikin...Firaaq-o-hijr ka mausam yaqeenan beet jaaey ga...Yaqeenan wasl k lamhay...Dobaara laut aaey'n gay...Wohi shaamai'n, wohi raatai'n...Wohi qissay, wohi baatai'n....Wohi phir daastaa'n ho gi...Mohabbat meherbaa'n ho gi...!!!

Kaisa lagay ga...!

Ban jaaoo'n ager tum sa tumhai'n kaisa lagay ga...Her pal mai'n rahoo'n tum say khafa kaisa lagay ga...Parrhtay ho mujhay tum jo namaazo'n ki tarah say...Ho jaaoo'n ager tum say qaza kaisa lagay ga...Tum pyaar may khud ko kabhi mitaanay pay ho raazi...Ban jaaey ager pyaar saza kaisa lagay ga....Khud say bhi zyaada ho yaqee'n tum ko kisi per...Woh shakhs hi day jaaey dagha kaisa lagay ga...Tum aur kisi mehfil ka diya ban k jalo per...Tanhaa'ee milay tum ko sila kaisa lagay ga...!

Raaeygaa'n safar apna....!

Bay-hunar zamaanay may...
Raaeygaa'n safar apna...
Khauf k bayabaa'n may...
soojhhta kuch bhi nahee'n...Bad-gumaani palti hay..Saaeybaa'n hi jab apna...
Munharif ho chhaao'n say...Justujoo parraao ki...Bay-samar si lagti hay...Bay hunar zamaanay may...Raaeygaa'n safar apna....!

Bohot kathan hay...!

Kabhi tamanna k raasto'n per nikal parro to Khayaal rakhna.....Hawaaey'n, Baadal, Fazaaey'n, Mausam, khayaal che'hray badal badal ker tumhai'n milai'n gay....To lamha lamha badaltay rango'n k shaukh dkhokay may aa na jaana....Kabhi jo aankho'n may chaand ha'ns ha'ns k chaandni ka khumaar bhar day......To apni aankhai'n kahee'n khala may ga'nwaa na aaana....K yu'n na ho phir jo khuwaab tutay........Dhanak dhnak ka saraab tutay......Kahee'n bulandi pay charrh k risti hoi nigaaho'n say.....Wapsi k nishaa'n dhundo..........Ujarr gaya jo jahaan dhundo....Kabhi tamanna k araasto'n pay nikal parro to khayaal rakhna.....Kahee'n say khaali palat k aana bohot kathan hay..........Bohot kathan hay...!

Safar tanha nahee'n kartay..!
Safar tanha nahee'n kartay..
Suno aisa nahee'n kartay...
Jisay shaffaaf rakhna ho...Usay maila nahee'n kartay...
Safar jis ka muqaddar ho...Usay roka nahee'n kartay...
Jo mil kar khud say kho jaey...Ussay ruswa nahee'n kartay...
Chalo tum raaz ho apna...Tumhai'n afshaa nahee'n kartay...
Jo dhun ho kar guzarnay ki...To phir saucha nahee'n kartay...
Tairi aankho'n ko parrhtay hain...Tujhay daikha nahee'n kartay...
Seher say poochh lo mohsin...K hum soya nahee'n kartay...!

Zraa sa faisla kerna...!

Barra dushwaar hota hay..Zraa sa faisla kerna...K zindagi ki Kahaani ko...Bayaan-e-bazabani ko...Kahaa'n say yaad rakhna hay...Kahaa'n say bhool jana hay...Kisay kitna bataana hay...Kis say kitna chhupaana hay...Kahaa'n ha'ns ha'ns k rona hay... Kahaa'n ro ro ka has'naa hay...Kahaa'n awaaz daini hay...Kahaa'n khaamosh rehna hay...Kahaa'n rastaa badlna hay... Kahaa'n say lout aana hay...Barra dushwaar hota hay...Zra sa fisala kerna....!!